Eiquí podededes descargar o documento de análise do PXOM do concello que nos fai chegar un veciño dende a súa perspectiva: BREVE APUNTE PXOM
Mes: abril 2016
PLENO ORDINARIO MÉRCORES 27 DE ABRIL ÁS 9:30 HORAS
Convocase pleno da corporación municipal, sesión ordinaria o próximo mércores 27 de abril ás 9:30. Deixámosvos eiquí a orde do día e invitámosvos a tod@s a achegarvos a Sala de Plenos do Concello para ver como se tratan todos estes temas:
1º Acta anterior (11/03/2016).
2º Orzamento 2016.
3º Dar conta da Liquidación 2015 e do informe de estabilidade orzamentaria e regla de gasto.
4º Dar conta do período medio de pago 1T, 2T, 3T e 4T 2015.
5º Dar conta dos informes do plan de axuste 1T, 2T, 3T e 4T 2015.
6º Recoñecemento extraxudicial de créditos 1/2016.
7º Plans orzamentarios a medio prazo 2017-2019 de Entidades Locais.
8º Padróns cobratorios IBI, BICES, IVTM, VAOS, LIXO, ABASTECEMENTO E SANEAMENTO.
9º Expediente investigación camiño de Vertelo.
10º Expediente cesión Escola Penalba.
11º Expediente cesión Escola Rubiacós.
12º Expediente granxa San Miguel.
13º Dar conta dos pedimentos de persoal.
14º Exencións e bonificacións varias.
15º Resolucións da Alcaldía.
16º Mocións.
17º Rogos e preguntas.
EXPOSICIÓN DO PXOM DE NOGUEIRA DE RAMUÍN PARA PRESENTAR ALEGACIÓNS
Como xa sabedes, no pleno extraordinario do pasado 11 de marzo de 2016 tivo lugar a aprobación incial do Plan Xeral de Ordenación Urbanística do noso Concello. O luns 4 de abril publicábase o anuncio de información pública no DOG a partir do cal comeza o prazo de exposición e a posibilidade de presentar alegacións. (PRAZO ampliado ata o 5 de agosto de 2016).
Desde o martes día 5 de abril, expóñense os Planos Xerais de Información e os Planos Específicos de cada Núcleo de Poboación, xunto con un exemplar dos Documentos Complementarios, no Salón de Plenos da Casa do Concello de Luintra.
Tamén se pode consultar o PXOM completo na web do concello no seguinte enlace: http://www.nogueiraderamuin.com/pxom/pxomNOGUEIRARAMUIN.htm
Así mesmo, o plan exporáse por parroquias en horario de tarde a partir das 16:00 horas nas seguintes datas:
- 15 abril: Nogueira
- 19 abril: Faramontaos
- 22 abril: San Miguel Do Campo
- 26 abril: Armariz
- 29 abril: Loña Do Monte
- 3 maio: Carballeira
- 6 maio: Viñoás
- 10 maio: Cerreda
- 13 maio: Vilar De Cerreda / A Rasa
- 20 maio: Moura
- 24 maio: San Estevo
- 27 maio: Santa Cruz de Rubiacós
Deixámosvos eiquí o modelo de documento de alegacións que habería que presentar, recordando que só dispomos de DOUS MESES, ata o 5 de xuño para facelo: AMPLIADO PRAZO DE EXPOSICIÓN DO PXOM ATA O 5 DE AGOSTO!
RECOMENDAMOS A TÓDOLOS VECIÑ@S QUE CADA UN BUSQUE NOS PLANOS DO PXOM AS SÚAS PROPIEDADES E COMPROBE COMO ESTÁN CALIFICADAS.
No TOMO III. FICHAS DOS NÚCLEOS RURAIS, aparecen os planos de cada unha das parroquias e as súas localidades.
Amigos de Nogueira 