O pasado venres 30 de outubro de 2015 houbo pleno no concello. Eiquí o resumo do que aconteceu no mesmo, seguindo cos puntos da orde do día:
1º- Apróbase a acta do pleno anterior (31/07/2015) por unanimidade.
2º- Apróbase por maioría a conta xeral do 2014, 2 votos en contra do PSdG-PSOE.
3º- Dase conta ao pleno das modificacións de crédito.
4º- Aprobación da modificación nº7/2015 por valor de 87.000 euros, en contra 2 votos do PSdG-PSOE.
5º- Os 87.000 euros anteriores irán para pagar facturas do lixo e auga pendentes do 2012 e o bombeo de Melias do 2014. 2 votos en contra do PSdG-PSOE.
6º- Por axilidade proponse dende o equipo de goberno dúas persoas para ocupar o posto de Xuíz de Paz e sustituto non habéndose presentado nadie ao proceso aberto que houbo. Apróbase a proposta por unanimidade.
7º- Aprobación por unanimidade calendario laboral. Festas locais San Roque e San Martiño.
8º- Aprobación por unanimidade das exencións e bonifiacións varias.
9º- Solicitude para ampliación da granxa de galiñas de San Miguel. Apróbase por maioría denegar a licenza de obra e actividade, 2 abstencións do PSdG-PSOE.
10º – Resolución do Expediente do Pantalán de Santo Estevo. Acórdase por maioría declarar o concurso deserto. 2 votos en contra do PSdG-PSOE que pide que se saque da orde do día este punto por incumplimento do reglamento a falta dun informe ao respecto.
11º- inicio da contratación do pantalán. 2 votos en contra do PSdG-PSOE.
12º- Aprobación por unanimidade para a unificación das terrazas.
Rogos e Preguntas:
A oposición pregunta sobre que xestións se están a facer dende o Concello para solventar os problemas das conexións a Internet. En parroquias coma a Carballeira falla ademáis a sinal de TV segundo comentaron. Solicitan se poña os medios necesarios para mellorar as telecomunicacións do Concello. Fálase tamén do tema do CEIP Luintra que sigue estando na mesma situación.
Amigos de Nogueira 