Foto de Paradores
O concello de Nogueira de Ramuín saca a licitación estes días o proxecto básico e de execución de acondicionamento do entorno do Mosteiro de Santo Estevo de Ribas de Sil, realizado polo arquitecto César Portela.
A forma de adxudicación do contrato será por procedemento aberto no que todo empresario interesado poderá facer a súa proposición ata o 25 de xuño do 2015, día no que finaliza o prazo de presentación das mesmas. Os criterios de adxudicación serán en base á oferta económicamente máis vantaxosa e outros que se recollen no prego de condicións dispoñible no perfil do contratante do concello.
Segundo recollía o Faro de Vigo o pasado día 12 de xuño, con este proxecto, o alcalde de Nogueira de Ramuín, César Parente, dí se «pretende realizar certas actuacións que permitan seguir mantendo o Mosteiro de Santo Estevo de Ribas de Sil entre os mellores da rede de Paradores.»
Algunhas das actuacións a realizar serían: recuperar a imaxe exterior da praza renovando a vexetación, acondicionar o actual mirador e crear outro nunha zona máis elevada, recolocar pedras movidas, colocar novos bancos, reparar a rede de sumidoiros que están realizadas en pedra, delimitar prazas de aparcamento para minusválidos e pavimentar e mellorar accesos.
As obras alcanzarán un importe estimado de 123.000 €.
Amigos de Nogueira 