GESECO

O pasado 9 de xaneiro celebrouse como xa sabedes unha xuntanza informativa, na que veciños e veciñas de A Carballeira e Viñoás, expuxeron e debateron algunhas das necesidades da zona. Dende ADN adquirimos aquel día o compromiso de intentar que foran levadas a Pleno para buscarlles solucións.

No último Pleno ordinario do mércores 27 de abril dende a oposición presentáronse as seguintes mocións:

AUGA: DEPURADORAS E SUMIDOIROS

Solicitouse que dende o Concello, como ente responsable da competencia de abastecemento de auga potable a domicilio e evacuación e tratamento de augas residuais, realice un control por parroquias do cumprimento do prego de condicións da empresa xestora GESECO, e se redacte un informe ao respecto. Ademáis, que se esixa a esta empresa adxudicataria que cumpra co pactado ou se proceda a resolución do contrato.

ARRANXO DA ESTRADA N120A

Solicitouse que se inste ao MOPU (Ministerio de Obras Públicas) a que faga obras de conservación e mantemento necesarias para manter a estrada N120A en condicións de seguridade para os usuarios.

INTERNET e TELEVISIÓN

Pediuse que o Concello se poña en contacto coa Oficina Técnica da TDT de Galicia (organismo responsable do sinal de TV) para que veñan os técnicos as zonas afectadas de Nogueira de Ramuín, coma pode ser o caso de Casdecid, a realizar as medicións e estudos oportunos, se redacte un informe e se estuden as posibles solucións a estas deficiencias no servizo.

Para o tema de Internet, solicitouse que dende o Concello se faga un estudo das zonas que non teñen acceso á rede, ou nas que a conexión é deficiente e se presente a Axencia para a Modernización Tecnolóxica de Galicia para que este organismo tome medidas e garantice a cobertura de banda ancha de calidade no noso municipio.

Estas tres mocións foron debatidas, e finalmente APROBADAS POR UNANIMIDADE.

Agora resta que se leven a cabo tal e como se comprometeron neste pleno.

Pola nosa parte dende ADN, dicir que seguiremos a traballar en pro das necesidades de todos e informar das situacións, actividades, eventos, etc. do noso concello na medida das nosas posibilidades. Xa sabedes que estamos abertos a calquera suxerencia ou cuestión.

Saúdos!

O pasado venres 24 de abril, celebrouse no noso concello un «pleno extraordinario» no que o primeiro que chamaba a atención era a súa extensa orde do día (incluíndo a proposta para a aprobación de varias concesións de servizos) sobre todo tendo en conta que estamos a un mes da celebración das eleccións municipais…
Outra cousa sorprendente foi que o salón de plenos case se queda pequeno pola grande afluencia de público asistente, entre o que se atopaba ata o ex-alcalde, varios veciños e algúns traballadores do concello… ¡Así tiña que ser sempre! non coma nos anteriores que estabámos tres na sala… A nós parécenos moi importante que a xente acuda aos plenos sempre que poida, posto que neles tómanse decisións que nos repercuten a todos.

Sobre algúns dos puntos que se trataron que nos pareceron relevantes:

– Aprobouse a liquidación de contas do 2014, a favor tódolos concelleiros do PP, en contra as concelleiras de PSOE e BNG. Do 2014 eran os pagos das facturas que a sra.secretaria autorizou supostamente ás súas propias empresas.

– Acordouse nomear fillo predilecto a D. Félix Rodríguez Domínguez, fundador de FERAMA, votos a favor PP e PSOE, abstención BNG.

– Aprobouse unha prórroga por 10 anos para a xestión da auga a GESECO, a favor tódolos concelleiros do PP, en contra as concelleiras da oposición. O Alcalde alabou a xestión que está a facer esta empresa co servizo de augas do concello, motivo polo que votaron prorrogar o contrato. A concelleira do PSOE en base aos datos do informe técnico indicou que tal prórroga xa fora acordada polo Alcalde fai un ano cun representante da empresa, feito que segundo comentou, podería ser unha ilegalidade, posto que tal decisión tiña que terse tomado en pleno xa na data e ter licitado o concurso. De ahí os seus votos en contra.

– Aprobouse a caducidade do expediente do pantalán do catamarán, que nestos momentos está sendo obxecto dunha investigación xudicial por suposto amaño no concurso (ver a información premendo eiquí).

– A sra. concelleira do PSOE presentou unha moción na que pedía transparencia no concello que foi votada en contra.

Ao final do pleno a sra.secretaria do concello recoñeceu que a información que saíra na prensa sobre ela e as facturas autorizadas era verdade, pero matizou que os datos económicos non eran os exactos (Premede eiquí para ler a nota de prensa da que falamos).
O dito, foi un pleno moi interesante que reflexou claramente cómo funciona o noso concello.
¡ANIMÁMOSVOS A TODOS A ACUDIR AO PRÓXIMO!