N120A

O pasado 9 de xaneiro celebrouse como xa sabedes unha xuntanza informativa, na que veciños e veciñas de A Carballeira e Viñoás, expuxeron e debateron algunhas das necesidades da zona. Dende ADN adquirimos aquel día o compromiso de intentar que foran levadas a Pleno para buscarlles solucións.

No último Pleno ordinario do mércores 27 de abril dende a oposición presentáronse as seguintes mocións:

AUGA: DEPURADORAS E SUMIDOIROS

Solicitouse que dende o Concello, como ente responsable da competencia de abastecemento de auga potable a domicilio e evacuación e tratamento de augas residuais, realice un control por parroquias do cumprimento do prego de condicións da empresa xestora GESECO, e se redacte un informe ao respecto. Ademáis, que se esixa a esta empresa adxudicataria que cumpra co pactado ou se proceda a resolución do contrato.

ARRANXO DA ESTRADA N120A

Solicitouse que se inste ao MOPU (Ministerio de Obras Públicas) a que faga obras de conservación e mantemento necesarias para manter a estrada N120A en condicións de seguridade para os usuarios.

INTERNET e TELEVISIÓN

Pediuse que o Concello se poña en contacto coa Oficina Técnica da TDT de Galicia (organismo responsable do sinal de TV) para que veñan os técnicos as zonas afectadas de Nogueira de Ramuín, coma pode ser o caso de Casdecid, a realizar as medicións e estudos oportunos, se redacte un informe e se estuden as posibles solucións a estas deficiencias no servizo.

Para o tema de Internet, solicitouse que dende o Concello se faga un estudo das zonas que non teñen acceso á rede, ou nas que a conexión é deficiente e se presente a Axencia para a Modernización Tecnolóxica de Galicia para que este organismo tome medidas e garantice a cobertura de banda ancha de calidade no noso municipio.

Estas tres mocións foron debatidas, e finalmente APROBADAS POR UNANIMIDADE.

Agora resta que se leven a cabo tal e como se comprometeron neste pleno.

Pola nosa parte dende ADN, dicir que seguiremos a traballar en pro das necesidades de todos e informar das situacións, actividades, eventos, etc. do noso concello na medida das nosas posibilidades. Xa sabedes que estamos abertos a calquera suxerencia ou cuestión.

Saúdos!

Na reunión celebrada o pasado sábado unha das preocupacións máis destacadas pola veciñanza foi o pésimo estado da carretera N120A (antiga C546) e a falta de mantemento e de seguridade das súas cunetas e escarpes.

En menos de vintecatro horas da xuntanza as palabras dun veciño cumplíronse completamente xa que como el ben advertíu había un perigo inminente de desprendemento dunha ladeira na N120A á altura da aldea de Vilanova.

Desde ADN somos conscientes de que estos días está caíndo unha grande cantidade de auga, que medran os regueiros dun xeito espectacular e que a orografía da ribeira pode facer que se produzan iste tipo de situacións. Mais do mesmo xeito, estamos convencidos de que un bo mantemento da estrada e unha maior atención e implicación das distintas Administracións competentes podería, senón evitar completamente, polo menos reducir dun xeito importante que sucedan feitos como este.

Por iso, hoxe faise máis necesario que nunca lembrar que desde ADN imos promover a proposta formulada polos veciños e veciñas para que sexa levada a Pleno unha moción donde se inste ao Concello que de xeito inmediato faga as xestións necesarias para reclamar o arranxo e o correto mantemento da estrada ao Organismo competente.

Imaxes do desprendemento en Vilanova:

Por outra banda, outro dos graves efectos do temporal destes días foi a escorrentía dunha ladeira fronte o lugar de A Ferreirua provocada pola deficiente mantemento de gateiras e canalizacións da estrada Ou-555 que produciu importantes destrozos en distintas fincas e sobre todo na área recreativa do muíño e forno de A Penalba.

Imaxes do desbordamento do regueiro na Penalba estes días :